Et Demo

by AACH UN KRAACH

/
  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.
    Purchasable with gift card

      €11.11 EUR  or more

     

1.
Met Aach un Kraach Aach un Kraach Mer sin die Vürstadtcowboys han dreckich Stiwwele aan Wenn mir die Jitar schwinge Sin dinge Uhre daran Mer bringe üch dä Rock  dä Ehr su järn hürt Met lange Hoor  un em schwazze Hemd ston mer op dr Bühn Miestens unjekämmp Un fiere met üch Wie et sich jehührt Drink dr noch e paar Bier Jetz jit et glich op die vier Doför simmer doch hier Et jeht met Aach un Kraach durch de Naach Dat hatts de Dir hück morje net jedaach Loss dä Brass zu Huus Pack dä Paatiedüüvel us Dann fiere mir bes morjens fröh um Aach Mer sin en Rock N Roll Band Mer klinge deck un laut kumm bei uns bei, dann häste nit op Sand jebaut M’er han e Fässje Stemmung mitjebraat Egal ob Sitzung, Freiluff oder em Club wenn Do die Leedcher hürs bes Do joot drop dann weed jedanz un nimmih lang jeschwaad Drink dr noch en Schabau Bütz doch einfach Ding Frau Jo jetz jiddet Radau Et jeht met Aach un Kraach durch de Naach Dat hatts de Dir hück morje net jedaach Loss dä Brass zu Huus Pack dä Paatiedüüvel us Dann fiere mir bes morjens fröh um Aach  Nemmt üch einfach en de Ärm Ejal ob rich oder ob ärm Ejal ob jung oder ob aal Hück ovend is dat drissejal  Un jetz met Aach un Kraach durch die Naach Dat hatts de Dir hück morje net jedaach Loss dä Stress zu Huus Holl dä Paatiedüüvel rus Dann fiere mir bes morjens fröh um Aach Et jeht met Aach un Kraach durch de Naach Dat hatts de Dir hück morje net jedaach Loss dä Brass zu Huus Pack dä Paatiedüüvel us Dann fiere mir bes morjens fröh um Aach 
2.
Dat es Kölle Aach un Kraach Mer sitzen in der Bahn En der Ieserbahn Fläsch Bier in der Hand Fohre mir üvvert Land Der Zoch hält aan – Bahnhoff Wess Elf Uhr, do kütt jo och der Ress Un weil mer jenau wisse dat et keiner stürt Singe mer su laut dat et och jeder hürt … Dat es Kölle Dat es Kölle Kölle Dat es Kölle Nanana nana nana Nana na nana naa Nanana nana nana Nana na nana naa M’r sitzen widder in der Bahn In der Stroßebahn Fläsch Bier en der Hand In der andern dat Pfand Mer jon durch die Naach op der Friesestrooß Zwesche Päff un Klein Kölle is der Düüvel loss Direk öm der Eck noh der Klappsmöhl hin noh ner Stund en der Schlang simmer endlich drin Dat es Kölle Dat es Kölle Kölle Dat es Kölle Nanana nana nana Nana na nana naa Nanana nana nana Nana na nana naa Solo Nana na nana naa Nanana nana nana Nana na nana naa (4x) Dat is Kölle Dat is Kölle Kölle Dat is Kölle Kölle Do bis Kölle Sich bröderlich en dä Ärme lije Vum ville Kölsch ne Suffkopp krije Lecker Mädche aanzedanze Donoh bütze … jo dat kannste Us vollem Hals en Leedche singe Ärm in Ärm üvver der Danzfluur springe All dat wat et söns nit jitt All dat nemmsde Dir hee met
3.
03:58
Biersche Aach un Kraach Ich sitz un waat Op e Biersche Schön mit Krönsche drup Un minge Weet Wie er hingerm Tresen steht Un an Hänsche driet Un ich han Süüd Un der Doosch brennt Mir der Hals eraff Seh ich dat Bier dann für m’er ston Un ich drink en Schluck davun Will noh Huus ich nit mih jon Ich jläuv Du kanns mich verstonn Denn dä Jeschmack Su herrlisch un su süffisch Da blievste nit lang müffisch Janz ejal wat uch wor Un wie dat lööf So lecker us der Stang Der Ovend weed hück lang Un eines dat is klor Mir maachen lang Ich han mi Biersche he ston Wenn ich et dann drink Un et köhl mer durch et Kehlsche rinnt Jeht et mer joot All der Ärjer un die Nüüt sin fott Un ich winken mingem Weet Dat er noch en Stängsche mät Un m’er en Frikadellsche deit Ich weiss et wird hück noch spät Denn dat schmeck joot Su lecker un su süffisch Da blievste nit lang müffisch Janz ejal wat uch wor Un wie dat lööf So lecker us der Stang Der Ovend weed hück lang Un eines dat is klor Mir maachen lang Ich han mi Biersche he ston Solo Denn der Jeschmack Su herrlisch un su süffisch Da biste nimmie müffisch Ejal wat uch wor Un dat lööf joot So lecker us der Stang Der Ovend weed hück lang Un eines dat is wohr Mir maachen lang Ich han mi Biersche he ston
4.
Danz, danz, danz! Aach un Kraach Friedach Meddach die Stunde am zälle Zo vill Brass un kei Zigg mih för Freud Un Ding Arbeid die deit Dich nor quäle Schon öm 12 Uhr das Opston bereut Doch hügg ovend, do lööß De Dich falle All dä Fruss, all dä Driss hinger dir Jo, hück Naach do wees Do alles jewwe Mer jonn rus, un ich danz met dir Danz, danz Öm ding Levve Danz, danz Alles jewwe Danz, danz Durch die ganze Naach All die Arbeid för paar Daach vergesse Eimol russ us dem Hamsterrad Et jeht öm uns, die Musik un et Levve Zöm Sorje is uns die Zigg vill zo schad Un dann pack uns dat Füür un mir brenne Su lebendig su wore mer nie Un Ding Auge so unbändig glöhe Dä Moment nimmp uns keiner mih Danz, danz Öm ding Levve Danz, danz Alles jewwe Danz, danz Durch die ganze Naach Jo, do pack uns dat Füür un mir brenne So lebendig so wore mer nie Un Ding Auge vür Leidenschaff glöhe Dä Moment nimmp uns keiner mih Danz, danz Öm ding Levve Danz, danz Alles jewwe Danz, danz Durch die ganze Naach Danz, danz Öm ding Levve Danz, danz Alles jewwe Danz, danz Durch die ganze Naach
5.
Mem SUV zom Biomaat Aach un Kraach Mem SUV zom Biomaat Mutter Theresa stüürt dä Cayenne Mem SUV durch Dubbelmoralie Nä wat simmer all joot Dä nette kleine Lade do hinger dä Kirch Hät neuerdings unbehandelt Holzspillzeuch Dat hät mir dat Doris us em Stoffwindelmütterkreis Evvens noch fresch verzellt Do fohr ich noch röm, die unterstütz ich järn Dat is Natur, jo – dat is jesund, Hoffentlich is do noch ene Parkplatz frei Do en der Eck is jo alles immer esu voll Warum müssen die dann alle immer mitten in dr Stadt parke Dat is villleich en Umweltsauerei Ich? Nä, ich kann ja nit – ich mein ich han jo dat Klara-Theres dobei und dä Buggy, un die Inkööf – un ich mein ... dat muss ja alles irjenswie do rin – ich mein – un ich – ich mein watt soll ich maache? … Mem SUV zom Biomaat Mutter Theresa stüürt dä Cayenne Mem SUV durch Dubbelmoralie Nä wat simmer all joot Mem SUV zom Biomaat Mutter Theresa stüürt dä Cayenne Mem SUV durch Dubbelmoralie Nä wat simmer all joot Im Sommer jeht et endlich mol noh Afrika Nä, Da freue mer uns schon lange drup Dä Carsten sät Mer muss do jewese sin sonst hät mer nix vun dr Welt jesinn Mir fleeje ja nor noch CO2 neutral Dat met däm Billischflijerwahn Dat maache mir nit mit Dat is all nur en Frage dä Einstellung Denn Ausbeute, dat wulle mer nit Minsch, ich mööt noch emol rövver zum Mediastore Esu en neu dick Tablett koofe Die sin extra billig met Preisjarantie Wenn ich se billijer seh Krich ich et Jeld zuröck Ne dat is wirklich en Sejen, freie Marktwirtschaft Da künne mr nor all vun profiteere Mem SUV zom Biomaat Mutter Theresa stüürt dä Cayenne Mem SUV durch Dubbelmoralie Nä wat simmer all joot Mem SUV zom Biomaat Mutter Theresa stüürt dä Cayenne Mem SUV durch Dubbelmoralie Nä wat simmer all joot Mem SUV zom Biomaat Mutter Theresa stüürt dä Cayenne Mem SUV durch Dubbelmoralie Nä wat simmer all joot Mem SUV zom Biomaat Mutter Theresa stüürt dä Cayenne Mem SUV durch Dubbelmoralie Nä wat simmer all joot Nä wat simmer all joot Nä wat simmer all joot Nä wat simmer all joot Nä wat simmer all joot Nä wat simmer all joot Nä wat simmer all joot Nä wat simmer all joot Nä wat simmer all joot Nä wat jeht et uns joot
6.
02:59
Dä Nubbel Aach un Kraach Jo, wenn der Nubbel brennt Is alles widder jod Ja, dann han ich met minger Sorg Nix mih am Hot De Haupsach is mer han immer Dat Mötzje dropjemaht Der Ress hätt doch noch Keinem Minsch jeschad Der Fastelovend dat is en heisse Zigg Et brennt dat Hätz un och dat andere Stück Denn die Versökung die luurt in jeder Kneip Un ihr nohzejevve is mer jern bereit Jo, wenn der Nubbel brennt Is alles widder jod Ja, dann han ich met minger Sorg Nix mih am Hot De Haupsach is mer han immer Dat Mötzje dropjemaat Der Ress hätt doch noch Keinem Minsch jeschad Jo, der Rest hätt doch noch Keinem Minsch jeschad Un is dat Fleisch ad widder stärker wie der Wille Un hiess dat Fleisch jetz noch Marie oder Sybille Hätt mer met Kölsch em Kopp e bessje vill jebütz Jo, wenn der Nubbel brennt Is alles widder jod Ja, dann han ich met minger Sorg Nix mih am Hot De Haupsach is mer han immer Dat Mötzje dropjemaht Der Ress hätt doch noch Keinem Minsch jeschad Nä, der Rest hätt doch noch keinem jet jeschaad Scatbridge Jo, wenn der Nubbel brennt Is alles widder jod Ja, dann han ich met minger Sorg Nix mih am Hot De Haupsach is mer han immer Dat Mötzje dropjemaht Der Ress hätt doch noch Keinem Minsch jeschad Nä, der Ress da weed doch nit Drüvver jeschwaad
7.
03:56
Bärte Aach un Kraach Als kleine Fetz wullt ich ne Jroße weede Ene Hühn met enem lange Baat Die mieste Zick daht mich dat janz schön quäle Die Bäckche blieven jlat un zaat Bärte, Bärte, Hey hey hey Em Jeseech die lange Fluse Bärte, Bärte, Hey hey hey Schläch beim Esse, jot beim Schmuse Dem Süper un dem Millowitsch, denne wor schon lange klor Wer jet op sich hält dräht Ovverleppehoor Och die lecker Mädche bütze leever met Jlattrasiert Jeseesch - Nä, dat wulle mer nit Dä Zwirbelleppereiter – och Krautmacher jenannt es nit nor huh erotisch – sondern uch charmant Jeseechspullover hält dich och em Winter lecker wärm Un su en staatse Schenkelbösch — dat han die Fraue jään Bärte, Bärte. Hey, hey, hey! Em Jeseech die lange Fluse Bärte, Bärte. Hey, hey, hey! Schläch beim Esse, jot beim Schmuse Su jov mer minge Pap ad fröh ne essenzielle Rat För Fraue zo verführe, bruchste ene Baat su stund ich vür dem Speejel un met Aach un Kraach scherte ich verjeblich die nit vorhandne Praach In dä Hoffnung dat er in Erfüllung jeiht, ming Draum doch alles wat do wachse wullt, wor nor ne dünne Flaum Noh dä Schmach all die lange Johr Spross do letztendlich dat aller eetze Hoor Bärte, Bärte. Hey, hey, hey! Em Jeseech die lange Fluse Bärte, Bärte. Hey, hey, hey! Schläch beim Esse, jot beim Schmuse Bärte, Bärte. Hey, hey, hey! Bärte, Bärte. Hey, hey, hey! Jetz ben ich jroß un han ne decke Baat Doch Düüvelsdriss, wat es dann dat - do hinge wähß die Plaat Bärte, Bärte un hinge wähß die Plaat dat es doch zom verwiefle jetz han ich dä Salat Bärte, Bärte han su lang drop jewaat Em Jeseech do wuchert et un bovven weed jespaat Bärte, Bärte Dat mäht mich ad malad am Hingerkopp do han ich baal en Kneeschiev parat Bärte, Bärte. Hey, hey, hey!
8.
Wat Do och söks Aach un Kraach Dä Sambsdaach ovend en dr Stadt Un die Stross sin voll met Lück Mol luure wat mer hück passeet Villeich han ich e bessje Glöck Dä Lode es jerammelt voll De Musik klingelt mer em Uhr Als ich su öm mich luur Dä Strobo flackert en de Auge Ich wor noch nit ant Leech jewennt Do soh ich Dich danze Em Leed versunke und verdräumt Ich bliev ston un lur dr zo Als wenn et jo nix andres jov Als dinge Blick mich trof Wat Do och söks Et steht miestens nevven Dir Wat Do och wills Kloppt jeden Daach aan dinge Düür Do weisst jenau wat De bruchs Öm jlöcklich ze sin Hür nur eimol in Dich rin Ich weiss noch janz jenau Wie ich domols aan der Thek jesesse han Et zehnte Bier vür mir fass leer Un die Jedanke hingenan Do koms Du rin un satz Dich hin Met em Lächeln em Jeseech Du luur ze mir, Leech en de Auge un ich wood weich Wat Do och söks Et steht miestens nevven Dir Wat Do och wills Kloppt jeden Daach aan dinge Düür Do weisst jenau wat De bruchs Öm jlöcklich ze sin Hür nur eimol in Dich rin Wat Do och söks Et steht miestens nevven Dir Wat Do och wills Kloppt jeden Daach aan dinge Düür Do weisst jenau wat De bruchs Öm jlöcklich ze sin Hür nur eimol in Dich rin In Dich rin Wat Do och söks Wat Do och wills Do weisst jenau wat De bruchs Hür nur eimol in Dich rin Wat Do och söks Et steht miestens nevven Dir Wat Do och wills Kloppt jeden Daach aan dinge Düür Do weisst jenau wat De bruchs Öm jlöcklich ze sin Hür nur eimol in Dich rin
9.
04:33
Fründe maache Aach un Kraach Jeder kennt, jeder hätt et schon jehatt Du sitz zo Huus un bes am övverläje Schwingen ich hück minge Popo en de Stadt Oder brieven ich jetz einfach noch jet lieje Netflix roteet et Sofa es am trecke Et Bier es köhl, die Chips die schmecke joot Saach sull ich jetz minge Schweinehunk he wecke Oder weed jetzt noch en Folje he jeluurt? Et jeht em Levve off dodröm Dat mir Fründe maache Denn met Fründe is et off nochmol su schön Et jeht och manchmal nur dodröm Sich jet aanzelaache Dröm sing doch met  un nemmt üch en de Ärm  (Bis de joot drop oder bes de deprimiert Wie d'et och dries allein weed et nit besser Jang unger Lück ein zwei Bierche flöck probeet) Ne jode Fründ is met et Beste op d’r Welt Un för Dich do, em Joode un em Schlechte Un et Beste is hä koss och nit vill Jeld Biste em Urlaub, do luurt hä noh em Räächte Jo, nor die WInnigste sin ad järn allein Denn dä Minsch, hä is en Häädedier Dröm jank erum, zur Musik schwing ding Bein Zosamme singe und m’r drinke zwei drei Bier Et jeht em Levve off dodröm Dat mir Fründe maache Denn met Fründe is et off nochmol su schön Et jeht och manchmal nur dodröm Sich jet aanzelaache Dröm sing doch met  un nemmt üch en de Ärm  nemmt üch en de Ärm Han m’r och spät aanjefange hammer lang jemaat un irjendwann häs Do mich aanjelaach Us nem schöne Ovend Weed en schöne Naach Un villeich jit et noch mieh am nächste Daach Am nächste Daach Solo Et jeht em Levve off dodröm Dat mir Fründe maache Denn met Fründe is et off nochmol su schön Et jeht och manchmal nur dodröm Sich jet aanzelaache Dröm sing doch met  un nemmt üch en de Ärm
10.
02:46
Ace of Pütz Aach un Kraach Ich hür die Jecke singe Do drussen op der Stroß Denn hügg is Rusemondag In zwei Stunde jeht et loss Un ich sitz he im Kitche Han nix ze laache mih Un die Jecke sin am fiere Oh Minsch, wat deit dat wih wat deit dat wih wat deit dat wih Ich weiss noch wie ich klein wor Da saht mer minge Mam Maach mer keine Driss Süns kreijen se Dich draan Dä orjenal Picasso Hät mer vill Jeld jebraht Et jov nor ei Problem Ich hat en selvs jemaht selvs jemaht selvs jemaht Se sin bestemmp am Danze Han et Biersche en der Hand Dun knüddele un bütze Un sin usser Rand un Band Et is ad domm jelofe Solo Wenn ich nächs Johr he ruskumm Dann maach ich eine drop Dann drink ich mer paar Kölsch Un ruchen mir en Flupp Dann kann der Zoch mer kumme Dann ston ich meddendren Un eines is jewess He will ich nit mieh hin Nit mieh hin Nit mieh hin
11.
Rheinlandleed Aach un Kraach Jo durch Äd un Fels bis Do jekumme vill dausend Johr für unserer Zigg häs jebraat wat mir zem Levve bruche Dafür wor der keine Wäch ze wigg Und do, läufs einfach für dich hin und jedes mal wenn ich dich sin Dräum ich he, et Häz in minger Hand un ich sing dat Leed vum Rheinland He am Fluss he rüch un spürt m’er et Levve Bes met Wing un Burje reich jeschmöck Kei Wunder dat mir su aan Dir klevve Denn ob deef ob huh Du bes mi Glück Wenn ich he an dingem Ufer ston Un mit bläcke Fööss durch et Wasser jon dräum ich he, et Häz in minger Hand un ich sing dat Leed vum Rheinland Un janz noh is ene kleine aale Wäch un dä führt mich steil dä Berg erop op dem bin ich als kleine Fetz jewandert mit enem vill ze jruuße Wanderstock Wenn ich he durch ding Wälder jon Un met möde Knee vür der Aussich ston dräum ich he, et Hätz in minger Hand Un ich sing dat Leed vum Rheinland Un ich sing dat Leed vum Rheinland Un ich sing dat Leed vum Rheinland
12.
05:41
Klimpermann (Kölsche Übersetzung: Harald van Bonn) Ne Samsdaach ovend, öm nüng eröm, Dä janze Bloos kütt erin. Ene ahle Mann, he nevven mir, Ömärmp singe Tonic met Gin. Hä säht: “Komm, Jung, un spill mir en Medolie. Ich weiß nit mih jenau, wie se jing. Se wor traurich un söß un ich kannt se ärsch jod, Als ich als jonge Kähl he röm hing.“ La la la, de de da La la, de de da da da Spell uns e Leed, Do am Klavier, Sing uns e Leedche hück Naach. Mir han Loss he op en Melodie Do mähs, dat et Hätzje uns laach. Dä Jupp an d‘r Thek es ene Fründ vun mir. Hä jitt mir off eine us. Hä mäht jään ene Wetz un sing Zung es ärsch spetz. Un trotzdäm well hä he erus. Hä säht: “Jung, ich jläuv, dat he brengk mich noch öm.“ Un sing Laache verlööhs sing Jeseech. "Joh, ich ben sicher, do drusse wör ich ene Star Un nit wie he nor dat janz klein Leech." Oh, la la la, de de da La la, de de da da da He, dä Tünn, dä hält sich für ne Poet. Hä fingk och nie Zick för en Wiev. Un hä schwaad met däm Dennis, dä noch emmer beim Bund es, un et wohl och sing Levve lang bliev. Un dä Köbes versöök sich in Politik Un die Vertriebler, die drinken sich voll. Jo, se drinke zesamme, weil se einsam sin Allein drinke es nit esu doll. Spell uns e Leed, Do am Klavier, Sing uns e Leedche hück Naach. Mir han Loss he op en Melodie Do mähs, dat et Hätzje uns laach. Et is janz schön voll he en d‘r Kneip Un dä Chef laach mich dann un wann aan Denn hä weiß, ming Musik, wäje der sin se he, öm en Paus vun däm Alldaach ze han. Dat Klavier, jo dat spillt wie an Karneval. Un dat Mikrophon, dat rüch noh Bier. Un de Lück aan d‘r Thek singe ming Leed. Sage: „Jung, wat mähs Do dann met mir?“ La la la, de de da La la, de de da da da Spell uns e Leed, leeven Klimpermann, Sing uns e Leedche hück Naach. Mir han all he Loss op en schön Melodie Do mähs, dat et Hätzje uns laach.
13.
Dä Klingelpützblues Aach un Kraach Ich hür die Jecke singe Do drussen op der Stroß Denn hügg is Rusemondag In zwei Stunde jeht et loss Un ich sitz he im Kitche Han nix ze laache mih Un die Jecke sin am fiere Oh Minsch, wat deit dat wih (Oh Minsch, wat deit dat wih) Ich weiss noch wie ich klein wor Da saht mer minge Mam Maach mer keine Driss denn Süns kreien se Dich draan Dä orjenal Picasso Hät mer vill Jeld jebraht Et jov nor ei Problem Ich hat en selvs jemaht Solo Se sin bestemmp am Danze Han et Biersche en der Hand Dun knüddele un bütze Un sin usser Rand un Band Et is ad domm jelaufe Ich bin et selver schold Jetz sitzen ich ming Zigg av Un versök et met Jeduld Uhhhhhhhh Wenn ich nächs Johr he ’ruskumm Dann maach ich eine drop Dann drink ich mer paar Kölsch Un ruchen mir eeschmol en Flupp Dann kann der Zoch mer kumme Dann ston ich meddendren Un eines is jewess He will ich nit widder hin (Näh, nie widder) Uhhhhhuhu He will ich nie mih hin Nä, nie!
14.
03:55
Üvverjang Aach un Kraach Do sähs et is nor Ne Üvverjang Jet Aales jeht Un jet Neues fängk aan Un ad em Sommer Weed ich drüvver ston un laache Künnt ich doch nor sin wat Do sühs Wenn Do sähs Maach d’r nor kein Sorje Loss se schmelze wie Schnei Jestern wor Die Zokunf kütt Ich weiß manchmol deit et wieh Maach d’r nor kein Sorje Loss se schmelze wie Schnei Dä Winter es ad baal vorbei Un Do wees widder Leech sin De Näächte sin esu lang Ich kann die Daach baal nimmieh sinn Un ad widder fang ich aan Mich öm mich selvs ze driehe Üvverjang, kanns Do nit wigger jon? Am leevste deit ich Dich vun hinge sinn Un laache un saage Maach d’r nor kein Sorje Loss se schmelze wie Schnei Jestern wor Die Zokunf kütt Ich weiß manchmol deit et wieh Maach d’r nor kein Sorje Loss se schmelze wie Schnei Dä Winter es ad baal vorbei Un Do wees widder Leech sin Do wees widder Leech sin Maach d’r nor kein Sorje Loss se schmelze wie Schnei Jester wor Die Zokunf kütt Ich weiß manchmol deit et wieh Maach d’r nor kein Sorje Loss se schmelze wie Schnei Dä Winter es ad baal vorbei Un Do wees widder Leech sin Do wees widder Leech sin Do wees widder Leech sin Do wees widder Leech sin
15.
04:58

about

Alles wat mer su jemaat han.

credits

released September 25, 2018

license

all rights reserved

tags

about

AACH UN KRAACH Bonn, Germany

AACH UN KRAACH sind ein paar bönnsche Jungs, die die Liebe zur Musik mit der zu Ihrem Dialekt und Ihrer rheinischen Heimat verbinden wollten.

Ihre musikalischen Einflüsse liegen zeitlich wie stilistisch in den unterschiedlichsten Bereichen. So finden sich Soul, Rock, Blues, Folk, Pop, u.v.a. Klangfragmente in Ihren Kompositionen.
... more

contact / help

Contact AACH UN KRAACH

Streaming and
Download help

Report this album or account

If you like AACH UN KRAACH, you may also like: